| 好耐都冇去過旅行啦,最後個次都應該中三去加拿大個次啦。 今次我,david,gary同坤這旅行講都講左成年, 仲以為係吹水居多,點知到最後都可以倉促成團wo。 Yeah!!! 神蹟呀 5月1號 晨咁早彈起身去機場, 去到機場又有人唔爭氣,網上整台証都可以入錯,又延誤左少少時間啦。 最後都上左飛機,發現飛機餐好難食,空姐都.....。失望啦 係飛機呆坐個半鐘後,終於到台灣啦。 之後就搭巴士去搵酒店啦,落左車發現.....酒店勁遠。 去到酒店check in,佢俾左1間大房,1間細房我地,間大房勁大間,有4張床,我地3日都係大房訓, 間細房就係分批沖涼先會去既。(發現toilet好鬼開揚) 之後,我地就出發啦,第一站就去民權西路地鐵站,見識到台灣地鐵無論車定係站都係勁有日本feel。 搭地鐵其間,gary同某位婆婆好投契wo  (其實都係我害既) 終於都到左淡水啦,好多野睇好多野食呀,不過我地都冇乜掃街(食野), 但我係個邊都有d收獲ga。 之後我地仲搭船去睇情人橋tim。影左好多相ga  因為搵酒店都搵左好耐,個日唔夠時間去睇晒淡水所有野,有d可惜啦 之後就急急腳搭車去士林夜市,我地第一晚既晚餐就係lee個夜巿都開餐啦。 食左好多野:柯仔煎, 十全排骨湯 , 大腸包小腸 係短短一個鐘都冇,掃左幾間鋪頭既野食...勁 食飽後,就去左附近條街行下,都幾多野睇,david同gary都一人買左一件衫tim。 好累呀,11點幾終於回酒店啦,再累也好,我地都要做返我地例牌要做既野就係...鋤大d 玩到2點幾......訓 第一天完 (差d唔記得粉條奶茶好好味) 待續 |
,特別係隻黑熊(唔好當真)。我地睇左一陣都睇唔到d咩動物天氣又熱,我地就離開動物園。
